Sunday, October 30, 2011

ලියන මහත්තයා


පොඩි කාළේ ඉඳලම පුදුම ආසයි ලියන්න... පළා කොල නෙමෙයි අනේ හිතට එන ඒවා.. ඒ කාළේ ලියන්නේ ඉස්කෝලේ ලියන පොත් වල පිටිපස්සේ.. සමහර වෙලාවට ගුරුවරු දැක්කත්, නොදැක්කා වගේ ඉන්න ඇත්තෙ ලියපු ඒවල ගන්න දෙයක් නැති නිසා වෙන්නත් ඇති.. ඒත් එකම එක, සැරම සැර සර් කෙනෙක්ට  අහුවෙච්ච දවසේ මම හිතුවා හම්බානක කන්න වෙයි කියලා. නමුත් කට කොනකින් හිනාවෙලා කිව්වා වෙනම පොතක් අරගෙන දිගටම ලියන්න කියලා. ඒ ලියලා තිබුනේ ලව් ලෙටර් එකක් කවියකින්. ඒ කාළේ ඒවා ඇර වෙන මොනවා ලියන්නද. ..?

මේ පින්තූරේ දැක්කම මට මතක් උනේ මගේ පොඩි කාළේ.. ඒ කාළේ, අපේ බාප්ප කෙනෙක්ගේ කඩේක තිබුනා ඉන්ගිරිස් ටයිප් රයිටරයක්... බාප්ප කියවන ඉන්ග්‍රිස් පත්තරේ අරගෙන, ඒකේ තියෙන වචන ටයිප් කොරන එක තමයි ඉස්සෙල්ලම කොරේ... පුදුම වැඩේ කියන්නේ, ඉස්ස ඉස්සෙල්ලම හම්බ උන රස්සාවත් අකුරු කොටන එක තමයි.. "ඩේටා එන්ට්‍රි ඔපරේටර්".. කොහොම හරි ෆාස්ටස්ම පොර විදියටත් කප් ගැහුවා..

Monday, October 24, 2011

උද්ධමනය..



කළාකාරුවෝ නොයෙක් මාධ්‍යන්ගෙන් පවතින තත්වය අන් අයට සම්ප්‍රේශනය කරන්නෝ. මේ පසුගිය කාළේ ඇමරිකාව සහ යුරෝපය දැඩි ආර්ථික අර්බුදයකට මුහුණ දුන් වෙලේ. ඒක කොයිතරම් ජනතාවට බලපානවද කියලා කළාකරුවෙක් කළ නිර්මාණයක්.

සිනහවට යටින් ළොකු කතාවක් තියෙනවා...

Thursday, October 20, 2011

නපුරු සීයා


"ඔයා මට ආදරේද....? "
"නෑ... මට ඔයාව පේන්න බෑ...."

පොඩි උන් විතරයි ඇත්ත කියන්නේ....
මේ සීයා ගඩාෆී, මේක සත්‍ය සිඳුවීමක්.. පොඩි එකාව බඩ උඩ තියාගෙන හුරතල් කරලා, ගඩාෆී මිනිබිරියගෙන් අහපු ප්‍රශ්නයත්, පොඩි කෙල්ල දීපූ උත්තරෙත් තමයි ඔය. මේක ගඩාෆී තේරුම් නොගත්ත එකයි වැරදි..

Monday, October 17, 2011

දුක....


නැසීමට..
වෙහෙසීමත්..
දුකක්මය.......!!!

සටහන - කතා ගේ ලස්සන කවි පෙලට මගේ කොමෙන්ටුව....

Sunday, October 16, 2011

මේ නගරය මා ඔබ.....



විහිළුවෙන්
කෙළිදෙලෙන්
සිනහවෙන්
පිරී ගිය අතීතය.
රැගන යලි එනවාද..
දුක් නොදී මා සිතට
කඳුළු කැට නොම වැටෙයි
සිනහවෙන් එය මැකෙයි
ගෙවුනු ඒ පුරාණය
කොයිතරම් සුන්දරද..

Friday, October 7, 2011

පොඩි කුමාරිහාමී




අකුරු එහෙ මෙහෙ කරන්
මොනවදෝ කුරුටූ ගෑ
දඟකාර කෙලි පැටියා
මගේ නෙත් තෙත් කළා

අක්ෂරය පබලු නම්
පබළු මට මදි වෙලා
පළදන්න දුවේ ගෙල
පබළු මල් මාලයක්

සටහන - පියෙක් ගැන මා දුටු හොඳම ළිපිය. නිසල විල සසල කළා

මෙතනින් බලන්න.

Thursday, October 6, 2011

අහෝ ගුත්තිල...!!!



නොසඟවා සියළු සිප්
බෙදුව මූසිලයනට
ලැබුනේද වැඩි දෙයක්
බෙදුව නැති බැරි අයට

එයයි මා ලද සතුට
නොපැතීය අන් යමක්
ජීවීතය හරි බරක්
අමාරුයි හැමෝටම

විඳගන්න මේ මිහිර
සැනසෙන්න මා මිතුර
තිබේනම් වැඩි යමක් ඔබ අතේ
ගුරුතුමා සනසපන් මගෙ පුතේ

ළෝක ගුරු දිනය වෙනුවෙන් දෙවිවරුන් වන් ගුරුවරුන්ට.

Tuesday, October 4, 2011

පොදු ජන කුමරිය



බොරු මොකටද. මුලු ලෝකෙම කොල්ලෝ වගේ මමත් මේ කුමරිට ප්‍රේම කළා. මියගිය දිනේ දුක් උනා. අදත් පෙම් කරනවා. එයාගේ පින්තූර මගේ ගාව පුරවල. පොත් පත්තර අද උනත් දැක්කොත් ගන්නවා.
ඒ වගේම එයත් සාමාන්‍ය ජනතාවට ආදරය කළා. ආදරයටත් ආදරය කළා. කොහොම නමුත් ජීවිතය වසන්ත සමය තුලම එයින් සමුගත්තා
.
එංගලන්ත අගමැති නියම සම්මානය ඇයට ලබා දුන්නා.
"පීපල්'ස් ප්‍රින්සස්", පොදු ජනතාවගේ කුමරිය.

අදත් එල්ටන් ජෝන් කළින් මැරලින් මොන්රෝ වෙනුවෙන් ගායනා කොට පසුව පද වෙනස් කරමින් ඩයනා වෙනුවෙන් ගැයූ ගීතයට සවන් දෙන විට, අමුතුම තනිකමක් දැනෙනවා.

මේ පින්තුරෙ ඇගේ අහිංසක බව. රාජකීය බව. ත්‍යාගශීලී බව, ප්‍රේමණිය බව යන සියළුම දේ තියෙනවා..